ისტორია
ვალდორფის პედაგოგიკას 100 წლიანი ისტორია აქვს. პირველი ვალდორფის სკოლა 1919 წელს გერმანიაში, ქალაქ შტუტგარტში, რუდოლფ შტაინერისა და სიგარეტების ფაბრიკის, „ვალდორფ ასტორიას“ მფლობელის, ემილ მოლტის ინიციატივით დაარსდა, ფაბრიკის თანამშრომლების შვილებისათვის. მოგვიანებით, 1926 წელს სკოლასთან არსებული პირველი ვალდორფის ბაღი გაიხსნა.
ჩვენი ბაღის ღირებულებები
ჩვენი მუშაობა მიმართულია თითოეული ბავშვის შესაძლებლობისა და საჭიროებებზე, რათა ხელი შეეწყოს მათი ფსიქო-ემოციური, კოგნიტური და სხეულებრივი უნარების საუკეთესოდ განვითარებას, ხოლო სირთულეების შემთხვევაში, დროულად მოხდეს მათი კორეგირება.
პატივისცემა და თანაგრძნობა
თავისუფალი თამაში
თანამშრომლობა
ზრუნვა უწყვეტ განვითარებაზე
პედაგოგიკა
ვალდორფის მიდგომის პრინციპები
ვალდორფის პედაგოგიკის საფუძველს წარმოადგენს ავსტრიელი ფილოსოფოსის, ბუნებისმეტყველისა და პედაგოგის რუდოლფ შტაინერის ანთროპოსოფია (ბერძ. „ანთროპოს -ადამიანი; „სოფია“ — სიბრძნე).
ანთროპოსოფია არის სწავლება ბუნების, სულისა და ადამიანის შესახებ და აღზრდას განიხილავს, როგორც ხელოვნებას. ვალდორფის პედაგოგიკის მთავარი მიზანია, ადამიანი აღზარდოს თავისუფალ, მოაზროვნე და სოციალური პასუხისმგებლობით აღსავსე პიროვნებად.
იმისთვის, რომ ეს მიზანი რეალობად იქცეს, ადამიანის განვითარების ფაზების სიღრმისეული ცოდნა მოითხოვება. ანთროპოსოფია ადამიანის განვითარებას შვიდწლიან პერიოდებად ყოფს.
ხშირად დასმული კითხვები
რა ასაკიდან იღებთ ბავშვებს?
ბაღში მიიღებიან 3-6 წლამდე ბავშვები. ჯგუფები არის შერეული ასაკის, რაც ვალდორფის პედაგოგიკის ერთ-ერთი მთავარი პრინციპია.
რომელ საათამდე მუშაობს ბაღი?
ბაღი მუშაობს 8:30-18:00 სთ-მდე. ორშაბათიდან პარასკევის ჩათვლით. მოქმედებს დღის ორი რეჟიმი - 8:30-13:30 სთ-მდე და გახანგრძლივებული - 13:30-18:00 სთ-მდე.
რამდენი ჯგუფია ბაღში და თითოეულში რამდენი ბავშვია?
ბაღში არის 4 ჯგუფი და თითო ჯგუფში საშუალოდ 24 ბავშვი ირიცხება.
რამდენი აღმზრდელი მუშაობს თითოეულ ჯგუფში?
ჯგუფში მუშაობს სამი აღმზრდელი - დღის პირველ ნახევარში ორი, ხოლო გახანგრძლივებულ ჯგუფში ერთი.
როგორ მიიღებიან ბავშვი საბავშვო ბაღში?
წინასწარი რეგისტრაციის საფუძველზე.
რამდენია ბაღის თვიური ღირებულება?
დღის პირველი ნახევარი - 400 ლ, ხოლო სრული დღე - 600 ლ.
არის თუ არა ბაღში საზაფხულო ჯგუფები?
ბაღში საზაფხულო ჯგუფები არ მოქმედებს. წლის განმავლობაში ბაღი მუშაობს 10 თვე (სექტემბრიდან ივნისის ჩათვლით).
არის თუ არა წლის განმავლობაში ბაღში არდადეგები?
ბაღში გვაქვს - საშობაო, სააღდგომო და საზაფხულო არდადეგები. ბაღი ასევე არ ფუნქციონირებს სახელმწიფოს მიერ დადგენილ ოფიციალურ უქმე დღეებში.
სწავლობენ თუ არა უცხო ენას?
ვალდორფის საბავშვო ბაღში უცხო ენები არ ისწავლება. ბაღში ყურადღება ექცევა ძირითადად ბავშვის უნარების, სხეულებრივ და ფსიქო-ემოციურ განვითარებას.
როგორ არის უზრუნველყოფილი უსაფრთხოება?
ბაღის შიდა და გარე სივრცეები სრულად ადაპტირებულია ბავშვის უსაფრთხოებაზე. ბაღის ეზო და დერეფანი აღჭურვილია ვიდეო კამერებით.
რამდენჯერადი კვება ბაღში?
ბაღში არის სამჯერადი კვება: გვიანი საუზმე, სადილი და ხემსი.
თუ ბავშვს აქვს ალერგია ან სჭირდება სპეციალური კვება, მენიუ ადაპტირდება ინდივიდუალურად.
როგორია ერთი დღე ვალდორფის ბაღში
რატომ უნდა ავირჩიო ვალდორფის საბავშვო ბაღი?
თუ გსურთ თქვენი შვილებისთვის სახლის მსგავსი, მზრუნველი და ნდობით აღსავსე გარემო:
სადაც თითოეულ ბავშვს ეთმობა საკმარისი დრო განვითარდეს საკუთარი ტემპით, დარჩეს პოზიტიური და ღია სწავლისთვის
სადაც ზრუნავენ ბავშვის ჰარმონიულ განვითარებაზე ადრეული აკადემიური სწავლების ზეწოლის გარეშე
სადაც, მნიშვნელოვან დროს უთმობენ თავისუფალ, შემოქმედებით თამაშს ბუნებრივი მასალებისა და ეკოლოგიურად სუფთა სათამაშოების გამოყენებით
სადაც იცავენ ბუნებისა და დღის რიტმებს
სადაც ზრუნავენ ბავშვის შემოქმედებითი და წარმოსახვითი უნარების, ნატიფი და უხეში მოტორიკის განვითარებაზე
სადაც ბავშვებზე ზრუნავენ თბილი, მოსიყვარულე და გამოცდილი აღმზრდელები, რომლებიც მუდმივად ისწრაფვიან თვითგანვითარებისკენ და ცდილობენ იყვნენ საუკეთესო მისაბაძი მაგალითები მათთვის.
